Presidenti i Benfica-s, Luis Felipe Vieira ka mohuar mundësinë për të transferuar mbrojtësin e Arsenal-it, David Luiz dhe ka njoftuar se lojtari është afër për të rinovuar kontratën.

Kishte raportime se braziliani do rikthehej te Benfica, aty ku do përfundonte karrierën, transmeton portali arbresh.info.

Mirëpo, Vieira ka zbuluar se pagesa e Luiz është shumë e madhe për Benfica, ndërsa vet lojtari është afër për të rinovuar me “Topçinjtë”.

“Biseduam përsëri të dielën. Kemi lidhje të mirë me të”.

“Ishte në makinë me biznesmen, duke u përgatitur për të rinovuar me Arsenal. Sa fiton te Arsenal është e pamundur që Benfica ta paguajë”, deklaroi ai.

Thuhet se Luiz do e rinovojë kontratën edhe për një sezon me Arsenal, pasi kontrata momentale i skadon në fund të muajit./arbresh.info.